ഒരു ഉഡായിപ്പ്‌ ലഘുഭക്ഷണം

ഒരു ഉഡായിപ്പ്‌ ലഘുഭക്ഷണം...

രാവിലെ ഉണ്ടാക്കിയ ഇഡലി ബാക്കിയായാല്‍ ചെയ്യാവുന്ന ഒരു കുറുക്കു വിദ്യ. 2 മുട്ട കൂടെ വേണം. 3ഇഡലിയ്ക്ക്‌ 2മുട്ട.


ഇഡലിയോ മുട്ടയോ ഇഷ്ടമില്ലാത്തവര്‍ പരീക്ഷിക്കണ്ട.


2 മുട്ട പൊട്ടിച്ച്‌ ഒരു പാത്രത്തില്‍ ഒഴിയ്ക്കുക.

ഉപ്പ്‌ - ആവശ്യത്തിന്‌ .

ഒരു അല്ലി വെള്ളുള്ളി നനു നനെ അരിഞ്ഞത്‌ (വേണമെങ്കില്‍ മതി) .

4-5കറിവേപ്പില നനു നനെ അരിഞ്ഞത്‌.

ഇത്രേം നന്നായി യോജിപ്പിക്കുക.



ഇഡലി കഷ്ണങ്ങളായി നുറുക്കുക. അതില്‍ അല്‍പ്പം ഉപ്പ്‌, മുളകുപൊടി, മഞ്ഞള്‍പ്പൊടി എന്നിവ ചേര്‍ത്ത്‌ ഇളക്കുക. ഇതിലേയ്ക്ക്‌ ആദ്യം യോജിപ്പിച്ച്‌ വച്ചത്‌ ചേര്‍ത്ത്‌ ഒരു മയത്തില്‍ ഒക്കെ ഇളക്കുക. ഇഡലി കഷ്ണങ്ങള്‍ പൊടിഞ്ഞ്‌ കുഴയരുത്‌.


ഒരു ഫ്രയിംഗ്‌ പാനില്‍ അല്‍പ്പം വെളിച്ചെണ്ണ ചൂടാക്കി, അതില്‍ ഈ മിശ്രിതം ഒഴിക്കുക. സ്ക്രാംബ്ള്‍ഡ്‌ എഗ്ഗ്‌ (മുട്ട കൊത്തിപ്പൊരി) ഉണ്ടാക്കുന്ന പോലെ ഇളക്കി പൊരിച്ചെടുക്കുക. മുട്ട പൊരിഞ്ഞ മണം വരൂമ്പോള്‍ സംഭവം തയ്യാര്‍ എന്ന്‌ മനസ്സിലാക്കാം.