ചില്ലി ഗോബി. വേണ്ട സാധനങ്ങള്.. അല്ലെങ്കില് വേണ്ട. ചെയ്യേണ്ടത് ആദ്യം പറയാം.
ഇതില് വെളിച്ചെണ്ണ എന്ന് പറയുന്നിടത്ത് ഒലിവ് എണ്ണ ഉപയോഗിയ്ക്കുന്നത് ശരീരത്തിണ്റ്റെ ആരോഗ്യത്തിന് നല്ലതാണ്. പഴ്സിണ്റ്റെ ആരോഗ്യത്തെപ്പറ്റി എനിയ്ക്ക് ഒന്നും പറയാനില്ല.
കോളിഫ്ളവര് വൃത്തിയാക്കുക. ഇതളുകളായി വേര്പ്പെടുത്തുക. ഒരു പണി ആണ് കേട്ടോ.. പുഴു ഉണ്ടോ എന്ന് വിശദമായി പരിശോധിക്കണം. ഓരോ ഫ്ലവറും ഇതള് വേര്പ്പെടുത്തി നോക്കണം. നന്നായി കഴുകുക. ഇത് ഉപ്പിട്ട് വേവിക്കുക. വെള്ളം വാര്ത്ത് കളയുക. വല്ല പുഴുവും നമ്മള് നന്നാക്കുമ്പൊള് വിട്ട് പോയിട്ടുണ്ടെങ്കില്, വേവിയ്ക്കുമ്പോള് പൊങ്ങി വരും. എടുത്ത് കളയാന് മറക്കണ്ട. അല്ലെങ്കില് സസ്യാഹാരം മാംസാഹാരം ആകും. അത്രേ ഉള്ളു. ഹീ ഹീ..
അതവിടെ ഇരുന്ന് വെള്ളം വറ്റട്ടെ.. നമുക്ക് വേറെ പണിയുണ്ട്. രണ്ട് കപ്പ് കോളിഫ്ലവറിനുള്ള കൂട്ടാണ് പറയുന്നത്.
== മൈദ മൂന്ന് സ്പൂണ്.
== ചോളപ്പൊടി രണ്ട് സ്പൂണ്.
== കുരുമുളക് പൊടി അര സ്പൂണ്.
== ഉപ്പ് പാകത്തിന്.
== വെളിച്ചെണ്ണ ഒരു സ്പൂണ്. സണ് ഫ്ളവര് എണ്ണയോ ഒലീവ് എണ്ണയോ ചേര്ത്താലും മതി.
== വെള്ളം ആവശ്യത്തിന്.
== ഒരു മുട്ട വേണെങ്കില് ചേര്ക്കാം. നല്ല സ്വാദാ..
ഇതൊക്കെ ചേര്ത്ത് നന്നായി കുഴയ്ക്കുക. ബജ്ജിയ്ക്കുള്ള മാവ് പോലെ. ഇതില് നേരത്തെ വേവിച്ച് വച്ച കോളിഫ്ലവര് മുക്കി വെളിച്ചെണ്ണയില് പോരിച്ചെടുക്കുക. എണ്ണകുടിയനാണ്. നന്നായി കുടിക്കും. എണ്ണ വലിച്ചെടുക്കാന് പറ്റിയ കടലാസില് അത് വയ്ക്കുക. അവിടെ ഇരിക്കട്ടെ. നമുക്ക് അടുത്ത സെക്ഷനിലേയ്ക്ക് പോകാം.
== ഒരു സ്പൂണ് എള്ള് (വേണമെങ്കില് മതി ട്ടോ).
== ഒരു സബോള മുറിച്ചത്. നല്ല വീതിയില് മുറിച്ചോളൂ. നല്ല ഭംഗിയില് കിടക്കട്ടെ.
== ഇഞ്ചി നനുനനെ നുറുക്കിയത് ഒരു സ്പൂണ്.
== വെളുത്തുള്ളി നീളനെ നുറുക്കിയത് ഒന്നര സ്പൂണ്.
== പച്ചമുളക് രണ്ടെണ്ണം. മൂന്നോ നാലോ ആയാലും കുഴപ്പമില്ല.
ഇതൊക്കെ വെളിച്ചെണ്ണയില് പൊരിയ്ക്കുക. സബോള മൃദു ആവുന്നതാണ് പാകം. ഇതിലേയ്ക്ക് സോസുകള് ചേര്ക്കണം.
== സൊയ് സോസ് ഒന്നര സ്പൂണ്.
== തക്കാളി സോസ് രണ്ട് സ്പൂണ്.
== ചുവന്ന മുളക് സോസ് ഒന്നര സ്പൂണ്. ഇതിന് പകരം രണ്ട് സ്പൂണ് ചുവന്ന മുളക്പൊടി ഇട്ടാല് മതിയെന്നെ.
== ഒരു സ്പൂണ് കുരുമുളക് പൊടി.
ഇതൊക്കെ ആ പൊരിഞ്ഞുകൊണ്ടിരിയ്ക്കുന്നതില് ചേര്ക്കുക. തീ നല്ലപോലെ കുറയ്ക്കണം. അല്ലെങ്കില് സോസൊക്കെ കരിഞ്ഞ് നാശമാകും. ഗ്രേവി വേണ്ടവര്ക്ക് വെള്ളം ചേര്ക്കാം. ഗ്രേവി ഇല്ലാതിരിയ്ക്കുന്നതാ നല്ലത്..
ഇനി കുറേശ്ശെ കുറേശ്ശെ ആയി നമ്മള് ഫ്രൈ ചെയ്ത് വച്ച കോളിഫ്ലവര് ചേര്ത്ത് നന്നായി ഇളക്കുക. സോസുകള് എല്ലാം കോളിഫ്ലവറില് പിടിയ്ക്കണം.
മല്ലിയിലയും സ്പ്രിംഗ് ഒണിയനും(ഇതിണ്റ്റെ മലയാളം അറിയാവുന്നവര് പറഞ്ഞു തരണേ) മുകളില് വിതറിയാല് നല്ല ഭംഗിയുണ്ടാകും.
ചൂടോടെ കഴിച്ചാല് നല്ലത്. അല്ലെങ്കില് തണുത്ത മുളകു ബജ്ജി പോലെ ഇരിയ്ക്കും.
ഞാനിതൊന്നു ഉണ്ടാക്കി എടുക്കാന് രണ്ട് മണിക്കൂറ് എടുത്തു. എന്നാലും സംഭവം ഒന്നൊന്നര ആയിരുന്നു..
കൊളസ്റ്റ്രോള് ഉള്ളവര് മാസത്തില് ഒരു തവണ കഴിച്ചാല് മതി. കൊളസ്റ്റ്രോളിന് ഗുളിക കഴിയ്ക്കുന്നുണ്ടെങ്കില് ഇതു കഴിയ്ക്കുകയേ വേണ്ട. വെറുതേ എന്തിനാ ഞാനായിട്ട് ഒരാളെ കൊല്ലാന് കൂട്ട് നില്ക്കുന്നത്? ഹീ ഹീ..
